Ya mujhe afsar-e-shahaana banaaya hota
Ya mera taaj gadayana banaaya hota
Apna deewana banaya mujhe hota tu ne
Kyun khirad mand banaaya, na banaaya hota
Khaksaari ke liye gar che banaaya tha mujhe
Kaash !!! sang-e-dar-e-janaana banaay hota
Nash’aa-e-ishq ka gar zarf diya tha mujh ko
Umr ka tang na paimaana banaaya hota
Dil-e-sad chaak banaaya, to balaa se, lekin
Zulf-e-mushkeen ka teri shaana banaaya hota
Soofiyon ke jo na tha laayaq-e-sohbat to mujhe
Qaabil-e-jalsa-e-rindaana banaay hota
Tha jalaana hi agar doori-e-saaqi se mujhe
To charaagh-e-dar-e-janaana banaaya hota
Roz maamoora-e-duniyaa mein kharaabi hai ‘Zafar’
Aisi basti se to weerana banaaya hota
~ Hazrat Bahadur Shah ‘Zafar’
This comment has been removed by the author.
ReplyDeleteWhat the British did to such Innocent people, who preached nothing but love,
ReplyDeleteWallahi this won't be forgotten. And don't be so much gullible, O! Muslims.
In the life of Bahadar Shah Zafar we learn an IMPORTANT Lesson.
That the Head of Evil should be cut-off with an Iron sword. NIP the Evil in the bud.
Otherwise, like what the britishers did to Our KING 150 years ago,
Americans will do the same to you.