Guzishtaa khaak nasheenon ki yaadgaar hoon main,
Mitaa huaa saa nishaan-e-sar-e-mazaar hoon main.
Nigaah-e-garm se mujhko na dekh ae dozakh,
Khabar nahin tujhe kis ka gunahgaar hoon main.
Phir uski shaan-e-karimi ke hausle dekhe,
Gunaahgaar yah kah de, gunaahgaar hoon main.
Bade maze mein guzarti hai bekhudi mein ameer,
Khudaa voh din na dikhaaye ki hoshiyaar hoon main.
~Ameer Meenai
SubhaanAllaah
ReplyDelete