Monday, June 18, 2012

Tumhare dar pe sada kham sar-e-niyaz rahe......

Tumhare dar pe sada kham sar-e-niyaz rahe



Namaz-e-ishq ka ye silsila daraaz rahe





Sar-e-niyaz ka kya hai raha, raha na raha



Khuda kare ke tera aastaan-e-naaz rahe





Wo sar hi kya ke na ho jis pe ishq ka sauda



Wo dil hi kya ke ulfat se beniyaaz rahe





Maza isi mein hai aashiq ko zindagaani ka



Kisi ki yaad rahe aur aah jaan gudaaz rahe





Fareb-e-husn ke parde jo darmiyaan se uthe



Niyaz-o-naaz mein kuchh bhi na imtiyaaz rahe





Yahi hai haasil-e-ulfat, yahi hai maa’na-e-ishq



Niyazmand rahoon main, wo beniyaaz rahe !!!!!!

2 comments:

  1. subhana allah!! is kalam se ruh or akal dono taaza ho gai.

    ReplyDelete
    Replies
    1. Mujhe Miti Ke Ghar Banane Ka Shok Tha
      Usay Ashyane Girane Ka Shok Tha
      Wo Bewafa Tha Is Mein Herat Ki Baat Kia Hai
      Mujhe Bhi Bewafa Logon Se Dil Lagane Ka Shok Tha

      Urdu Shayari

      Delete