Thursday, October 18, 2012

Kafir-e-ishq hoon main banda-e-islam nahin - Hazrat Qibla Shah Niyaz Beniyaz R.A.





Kafir-e-ishq hoon main banda-e-islam nahin
But parasti ke siwa aur mujhe kaam nahin

Ishq mein poojta hoon qibla-o- kaaba apna
Ek pal dil ko mere uske bin aaraam nahin

Bulhawas paanw na rakhiyo kabhi is raah ke beech
Koocha-e-ishq hai ye raguzar-e-aam nahin

Haye re haye chali jaati hai yun fasl-e-bahaar
Kya karoon bas nahin apna wo sanam ram nahin

Aar kya hai tujhe duniya ki malaamat se ‘Niyaz’
Aashiqon mein tuu akelaa hi to badnaam nahin 

~ Hazrat Qibla Shah Niyaz Beniyaz R.A.

4 comments:

  1. MashAllah Bahut Hi Aala.. Ishq E Haqeeqi Ki Tafseer Hai Ye to.
    SubhanAllah Moula Darjaat Ko Buland Karey Inkey.

    ReplyDelete
  2. subhan allah ye gazal marfat mein sirf ahle nukta hi samj paen gay

    ReplyDelete